Балалар қауіпсіздігі тақырыбындағы жалпы мектепішілік ата-аналар жиналысы 14 қазанда мектебімізде балалар мен жасөспірімдердің қауіпсіздігіне қатысты өзекті мәселелерге арналған жалпы мектепішілік ата-аналар жиналысы өтті.

Балалар қауіпсіздігі тақырыбындағы жалпы мектепішілік ата-аналар жиналысы
14 қазанда мектебімізде балалар мен жасөспірімдердің қауіпсіздігіне қатысты өзекті мәселелерге арналған жалпы мектепішілік ата-аналар жиналысы өтті. Кездесуге мектеп әкімшілігі, медицина мамандары, құқық қорғау органдарының өкілдері және психологиялық қызмет мамандары қатысты.
Жиналыс барысында төмендегі мәселелер қарастырылды:
•    Кіріспе сөз — мектеп директоры Садыков Дархан Каиржанович.
•    Денсаулық және профилактика — жалпы тәжірибелік дәрігер Табагабулова Мадина Данияровна «Жасөспірімнің жеке қауіпсіздігі мен денсаулығын сақтауға байланысты тәуекелдердің алдын алу» тақырыбында баяндама жасады.
•    Жасөспірімдердің психологиялық саулығы — көпсалалы ауданаралық аурухананың психологы Мухтарова Гульмира Мухтаровна кәмелетке толмағандар арасындағы дағдарыстық жағдайлардың алдын алу және олардың психологиялық саулығын сақтау мәселелерін баяндады.
•    Құқық бұзушылықтың алдын алу — полиция аға лейтенанты Минжасаров Азамат Турсынбаевич кәмелетке толмағандар арасындағы құқық бұзушылықтардың алдын алу шаралары туралы айтты.
•    Әлеуметтік бейімделу — әлеуметтік педагог Нуржанова Ляззат Жеделкановна «Жасөспірімдердің білім беру ортасына бейімделуі» тақырыбында сөз сөйледі.
•    Психологиялық қолдау — педагог-психолог Тайлакбаева Айдана Ерсаиновна жасөспірімдердің деструктивті мінез-құлқының алдын алу мәселелерін қарастырды.
Кездесу балаларды тәрбиелеу, олардың денсаулығын сақтау және эмоционалдық саулығын қамтамасыз ету мәселелерін талқылауға арналған маңызды алаңға айналды.
Балалардың қауіпсіздігі — баршамызға ортақ жауапкершілік!
Тек мектеп, отбасы және мамандардың бірлескен күш-жігерінің арқасында әрбір баланың жан-жақты дамуына және аман-есен өсуіне қолайлы жағдай жасай аламыз.